JANGAN LUPA SOLAT

MARI KITA BERDOA

YA ALLAH, rahmatilah TETAMU BLOG ini, sihatkan ia, ampunilah dosa-dosanya, berkatilah amalannya, janganlah Engkau balikkan hatinya setelah Engkau beri petunjuk dan hidayah kepadanya dan ya Allah masukkanlah ia dan keluarganya kedalam syurga FirdausMu serta jauhkanlah ia dan keluarganya dari azab nerakaMu. Sesungguhnya ya Allah, hanya kepada Engkau kami sembah dan hanya kepada Engkau sahajalah kami meminta pertolongan. Ya Allah jika rezeki tetamu blog ini masih diatas langit, turunkanlah ia, jika rezekinya di dalam bumi, keluarkanlah ia, jika rezekinya jauh, dekatkanlah ia, jika rezekinya haram, sucikanlah ia dan jika rezekinya sukar, Engkau permudahkanlah ia, Ya Allah kurniakanlah kepada kami segala kebaikan yang Engkau kurniakan kepada hamba-hamba Mu yang soleh. Ya Allah, tolonglah kami dalam mengingatiMu, tolonglah kami untuk bersyukur kepadaMu dan Ya Allah, Tolonglah kami memperbaiki ibadah kami.

Ya Allah, ampunkanlah dosa kami kerana gagal melaksanakan segala perintahMu dan Ya Allah, ampunkanlah dosa kami kerana menjadi hamba yang gagal dalam mencegah kemungkaran. Ya Allah selamatkanlah kami dari segala macam balasanMu sebagaimana engkau selamatkan Nabi Lut sewaktu engkau memusnahkan umatnya. Ya Allah kurniakanlah kepada kami semangat, kekuatan dan kelapangan waktu dalam beribadah kepadaMu.


DOA MENGHINDAR H1N1

MARI RAMAIKAN SINI



Showing posts with label cerita banjar. Show all posts
Showing posts with label cerita banjar. Show all posts

Friday, October 9, 2009

CERITA DALAM BAHASA BANJAR

MENCUBA KADA BEBAYAR



Utoh itu tamasuk urang nang kada tapi cariwit wan gawian. Samunyaan usaha dicubanya, asal kawa jadi duit gasan mahidupi anak bini di rumah.

Wayah musim limau ini Utoh bausaha bajualan limau. Ada limau Sungai Madang, limau Anjir dan ada jua limau Kalampayan Astambul.

Supaya banyak hujungannya, Utoh manukari limau jualannya itu langsung matan kabunnya. Tapi rupanya Utoh kada saurangan, banyak jua urang lain nang bajual limau. Karna banyak saingan itulah maka rancak banar Utoh tapaksa bajual murah asal tabulik mudal, daripada limaunya burukan karna kada payu lalu inya rugi. Ngalu pulang kapala Utoh mamikirakan nangkaya apa supaya kawa manarik pembeli. Wayah tatamu wan Garbus inya bakisah tantang masalahnya itu.

"Mustinya ikam banyak hujungnya karna ikam langsung manukari matan kabunnya," ujar Garbus.

"Aku kada tahu jua Bus ai, jangankan bahujung atawa tabulik mudal bahkan dalam samingguan ini rugi tarus," ujar Utoh takurasam muha pina sadih.

"Mungkin ikam salah taktik ma-atur barang jualan ikam itu, makanya rugi tarus," ujar Garbus.

"Padahal limaunya manis-manis saharusnya urang barabut manukarinya," ujar Utoh.

"Biarpun limaunya manis-manis, amun prumusinya kurang, tatap haja urang kada hakun manukar," ujar Garbus.

"Prumusi kaya apa Bus? Sudah jua aku tulisi di karton, bahwa limaunya manis tapi tatap haja urang kada hakun baparak," ujar Utoh sadih.

"Bulihlah kalu urang manguyak sabigi handak marasai?" ujar Garbus pulang.

"Kalu manguyak ba-arti manukar dan harus bayar," ujar Utoh.

"Nah itulah sababnya kanapa urang kada manukari limau ikam, karna ikam kada mau kurang labih. Urang kada hakun manukar kucing dalam karung Toh ai. Saharusnya ikam bariakan haja urang marasani," ujar Garbus mambari nasihat.

Oooooo... kaya itu kah Bus. Tarima kasih Bus lah, ayu ja kaina aku turuti papadahan ikam itu," ujar Utoh manyalami Garbus langsung parmisi tulak handak bajualan.

Kamariannya Utoh datang pulang manamui Garbus, makin marista haja muhanya.

"Nangkaya apa Toh, banyaklah urang manggarubungi?" ujar Garbus sambil manyirit ka bakul limau Utoh nang puang.

"Bujur haja banyak nang bagarubung wan jualanku habis, tapi aku tatap rugi ganal," ujar Utoh sadih.

"Hau, kanapa maka nangkaya itu?" ujar Garbus batakun.

"Sasuai papadahan ikam tadi supaya manarik urang nang handak manukar maka aku bakuriak : limau manis, limau Madang, bulih buktiakan, silakah cuba kada bayar perai haja," ujar Utoh pina parau suaranya.

"Rupanya karna bulih cuba kada bayar itulah maka bagarubung balawi-lawi urang datangan mancubanya. Ada nang ma-ambil sabigi dan ada jua nang dua bigi, ahirnya babakul-bakul habis. Sedangkan nang manukari hanya dua talu ikung haja," ujar Utoh sadih.

"Ooooo......... jadi karna banyak nang mancuba perai itulah maka limau ikam habis tapi rugi. Ujar urang bahari kada usah sakit hati, biar rugi di acan tapi bahujung di asam, jadi biarpun ikam rugi babakul-bakul limau tapi pahalanya cagar ikam nikmati di ahirat kaina" ujar Garbus mahibur Utoh.

"Rupanya sudah nasibku sakit balalawasan" ujar Utoh taungut.

CERITA DALAM BAHASA BANJAR

HAYAM JAGAU TUHA - HAYAM JAGAU ANUM



Julak Kancur sambil bagawi sidin maingun/maharagu ai jua 26 ikung hayam.25 ikung hayam parinduan (hayam bini hagan bahintalu) saikung hayam jagau tuha hagan lakinya.

Kebelakangan ini hayam Julak Kancur kada pati pahintaluan bangat, sidin baidabul, ini pasti gara-gara hayam jagau tuha ini nang kada pati produktif lagi. Sidin gin tulak ka rumah Angah da' Sugih umpat manukar hayam jagau nang ta'anom lalu dibawa bulik ka rumah.

Jagau Tuha "napang kah ikam dibawa ka mari oleh tuan ku?"

Jagau Anum " gara-gara ikam pang nang kada hingkatan (kada kawa) ujar bahasa Banjar kada produktif pang".

Jagau Tuha "kawakah ikam manjulung ka aku barang beberapa ikung bini?".

Jagau Anum " kada rigi aku, sunyaannya nang 25 itu ampun aku jua".

Jagau Tuha" aku katuju ai, taga ikam kana mambuktikan kawa mangalahakan aku batanding bukah jarak 50 meter". taga ikam kana mambari aku mulai bukah 10 meter di hadapan ikam".

Jagau Anum "aku katuju ai, pagi esok kita batanding".

Isuknya, Jagau Tuha gin balawan bukah awan Jagau Anum, Jagau Tuha bukah 10 meter badahulu.

Bahimat hayam Jagau anum manyasah Jagau Tuha, bila parak jarak 1 meter handak manyalip…..

BANG!!!!!!! malapau ilun sanapang…….tajarangkang Jagau Anum mati.

Sakalinya si Kancur nang manimbak…..tadikir sidin…"Uma ai sarik banar aku, sudah lima kali aku tatukar hayam jagau nang "homo".

hihihihi…

tatap haja manang nang tuha sakalinya….

Thursday, October 8, 2009

CERITA DALAM BAHASA BANJAR

PISANG KACAKAN





BUBUHAN Utoh satiap takumpul napa haja jadi pamanderan, tamasuk sual makanan. Nang paling katuju mandangar kisah sual makanan itu kada lain pada si Tulamak nang jagau makan. Kada lawas tadi bubuhannya mahualakan sual buah tamasuk buah pisang.

"Aku handak mancuba Utoh, cuba tangguh pisang napa nang paling nyaman?" ujar Garbus.

"Kalu aku nang paling nyaman adalah pisang mahuli," ujar Tulamak mandahului manjawab.

"Pisang mahuli itu halus-halus Mak ai, kalu kada mamakan ampat atawa lima bigi hanyar karasaan nyamannya," balas Garbus.

"Pisang nang paling nyaman di dunia ini adalah pisang kacakan," ujar Utoh lihum.

"Ikam ini Toh ai manangguh asal hanggus haja kada bapikir," ujar Garbus.

"Kalu ikam bujuran bapikir Toh ai, cuba sambati macam-macam pisang pasti kadada pisang nang bangaran pisang kacakan itu," ujar Tulamak handak mauji Utoh.

"Bubuhan ikam ini balum tarasani pisang kacakan makanya bingung mandangar ngarannya," ujar Utoh.

"Mungkin karna Utoh rancak madam ka banua urang maka inya tahu dan sudah marasani pisang kacakan itu," ujar Garbus.

"Pisang kacakan itu kada cuma di banua urang, bahkan di wadah kita ini banyak jua. Ada nang halus, masih anum, ada jua nang mulai ganal, nang sudah ganal bahkan nang parak layu banyak jua," ujar Utoh.

"Kalu macam pisang itu ada jua di banua kita, cuba ikam Mak sambati ngaran-ngaran pisang nang ada di wadah kita ini," ujar Garbus manyuruh Tulamak.

"Ayu dangarakan Toh! Kusambatilah: pisang mahuli, pisang awa, pisang manggala, pisang kapal, pisang minurun atawa pisang kutabaru, pisang paikat, pisang ambon, pisang raja dan pisang susu," ujar Tulamak.

"Naahhhh... itulah," ujar Utoh langsung manyahut.

"Itulah nang mana Toh?" ujar Garbus.

"Itulah... nang disambat Tulamak paling pandudiannya," ujar Utoh tatawa.

"Oooo... itukah Toh, ikam ini dasar lanji Toh ai, pisang susu maka dipadahakan pisang kacakan," ujar Tulamak pina ragu sambil bapikir.

"Hi ih-lah dasar bujur kacakan," ujar Tulamak dalam hati supan manyambat.

CERITA DALAM BAHASA BANJAR

NYAMAN BATILANTANG



BAISUKAN itu wayah Utoh wan Garbus mangupi di warung acil Isul, datang Tulamak pina pincat bajalan.

"Ui Mak, kanapa pina pincat bajalan? Oooo.. sandal hanyar," ujar Garbus manjawab saurang tatakunannya.

"Sandal kariditan saribu sahari Bus ai," ujar Tulamak.

"Pantas haja batis ikam lingsak karna sandal hanyar wan kanapa pina lain sabalah Mak?" ujar Garbus.

"Bujurkah Bus sandalku ini lain sabalah. Kalu lain sabalah tapaksa kaina kuhurupakan," ujar Tulamak mananding kadua balah sandalnya.

"Naahhh... dasar bujuran sandal ikam lain sabalah Mak ai," ujar Utoh umpat mambujurakan panderan Garbus.

"Bujurkah Toh? Padahal nyaman haja dibatis. Kalu batisku lingsak itu karna hanyar. Satiap barang nang hanyar bila dipakai pasti lingsak," ujar Tulamak makin bahimat maitihi sandalnya.

"Pasti haja sandal ikam itu lain sabalah, karna sabuting sabalah kiri dan sabutingnya lagi sabalah kanan," ujar Utoh.

"Tarima kasihlah Toh, ikam dasar candatan mambela kawan," ujar Tulamak mamuji Utoh.

"Aku ada susurungan hanyar Mak ai, napa yu bila batingharap pasti ngalih dan kada nyaman," ujar Utoh.

"Tatakunan itu pasti manyarempet-nyarempet ," ujar Garbus.

"Kalu batingharap ngalih dan kada nyaman, maka bahiringpun ngalih dan kada nyaman jua?" ujar Utoh.

"Kada lain jawabannya pasti nang samacam itu," ujar Tulamak.

"Kukira pikiran bubuhan ikam haja nang katuju ka situ padahal tatakunanku ini bujur-bujur ada buktinya," ujar Utoh. "Hanya pabila batilatanglah nang nyaman mamasukannya, nyuurrr.... mahalunyur masuk. Ayu tangguh, jawabannya kada lanji Mak ai," ujar Utoh.

"Kami mangalah, napa jawabannya Toh ?" ujar Garbus.

"Jawabannya adalah nang kita panderakan tadi, bila sandal tatilungkup maka ngalih mamasukakan batis, kaya itu jua bila sandal tahiring maka batis ngalih masuk tapi bila sandal batilangtang maka nyuurrr... batis masuk," ujar Utoh takurihing mamacahakan jawabannya.

Tuesday, October 6, 2009

CERITA DALAM BAHASA BANJAR

MAULAH GUGUDUH BATILANJANG





Haji Ibus himung banar baisi manantu bibini nang bungas.Bujur haja urang kampung tapi manantu sidin naitu bisa banar bamasak-masak dan taat lawan mintuha.Apa nang disuruh digawinya.

Haji Ibus lawas dah handak mamakan guduh.Balalu ai sidin manukar pisang pinurun sabanyak lima sikat, maka pisang nang ditukar naitu ganal-ganal. Pukuknya kalu disanga puas tu pang mamakannya. Mantagui riga , kakanyangan.

“ Luh ! Luh ! Aku handak banar mamakan guguduh ulahan ikam. Maulah guguduh batilanjang Luh-lah,” ujar Haji Ibus.

“ Inggih, Bah-ai ! ujar Aluh manyahuti.Bagagas Aluh ka dapur : nyalakan kompor, tanggar rinjing , tumpah minyak lamak ka rinjing, kupas pisang, ambil galapung, dsb. Rahatan asyik bagawi maulah guguduh, hampir kalumpanan awan pasan mintuha yaitu maulah guguduh batilanjang. Lalu ai Si Aluh mahancap mamacul baju, mamacul tapih,mamacul biha, mamacul cawat. Kalihatan awak samunyaan manampurak putih.

“ Sir,sir ! “ Tadangar bunyi pisang tanyalam ka dalam rinjing nang panas. Baunya mandangur masuk ka hidung Haji Ibus nang rahatan duduk di ruang tamu sambil mambaca surat kabar.

Karna kada tahan lagi ma-arit liur, lalu-ai sidin ka dapur handak mamakan guguduh nang panas ulahan minantu. Sasampai di dapur, takajut Haji ibus malihat lalakun manantu.” “Astaga, napa ikam hajat Luh jadi batilanjang, “ ujar Haji Ibus batakun.

“ Pian kalu Bah, nang manyuruh,” sahut Si Aluh.

“ Ikam salah paham Luh-ai, maksudku bukan ikam nang batilanjang, tapi guguduhnya,” ujar Haji Ibus kirip-kirip mata malihat awak manantu putih mulus.

“ Maksud Abah ? “ ujar Aluh kada mangarti.

“ Maulah guguduh batilanjang tu artinya maulah guguduh kada bagalapung, pisang wara nang disanga,” ujar Haji Ibus manjalasakan.

“ Uh…” lalu ai Si Aluh mahancap ma-ambil dan mamuruk cawat, baju,biha,dan tapih sahingga tatutup sudah barang-barang antiknya. Amun lambat manutup, kalu-kalu mintuhanya tahilap, maka tabaraurangan badudua-an haja di rumah.Nang lainnya tulakan ka pangantinan.

CERITA DALAM BAHASA BANJAR.



URANG ARAB TABUKAH.





Di nagri Arab ada saurang laki-laki gagah parkasa ba ngaran Hapuk Hancik. Sidin naini baisi napsu sik sing kuatan. Bila malihat bibinian pasti tabangun si Anang Kulalilnya.Hanyar malihat muhanya , apalagi talihat batisnya nang putih maginnya ai mangatiting sanjatanya. Nang bini aja kada tahan mahadapi. Tapaksa ulih nang bini disuruh lagi babini ka lain.Napa nang bini siang malam kada sing rantian ditumbuknya. Parnah haja saharian kada bamasak, napa nang laki minta nangitu tarus. Ngaran laki tapaksa-ai dilayani.


Nah, limbah dibiniakan, satumat haja sarak. Bini nang hanyar kada tahan manyandang. Tiap hari diunyai Si Arab. Tahambur galung.Ulih nang bini dicariakan bibinian nang bujang. Tarnyata kada tahan jua.Bini nang bujang naitu manangis-nangis minta sarak . Napa ampun bibinian naitu sampat wawah dan dijahit di rumah sakit. Pukuknya si Arab naitu rancak banar kawin sarak.

Karana bibinian di nagri Arab naitu kada nang tahannya manyandang gampuran si Hapuk Hancik. Balalu sidin tulak ka Amerika, Afrika, Eropa, Cina, sampai ka Malaysia. Tarnyata bibinian di nagri naitu kada nang tahannya mahadapi.Karana kaparkasaannya dalam hal kijuk-mangijuk ulih para parsatuan lahung dunia (Palania ) si Hapuk Hancik dianugarahi galar “ King Kijuk Terhebat di Dunia “

Dangan galar naitu sidin tarus-manarus handak mangalahan bibinian dalam hal bakijuk. Pukuk satiap nagara mana haja di datangi sidin.

Lalu sampai habar lawan Raja Kijuk bahawa di Hulu Sungai ,Kalimantan Salatan , ada saurang bibini nang bagalar Ratu Kimut. Bibini naini digalari Ratu Kimut lantaran harat mangapit. Banyak lalakian nang mangawini sidin tapaksa manyarak karana sanjatanya limpih, ada jua nang patah. Malahan babarapa urang nang busak-busak handak lamas. Napa kapala lalakian nang ada muhanya naitu dimasukkan ka dalam alat Ratu Kimut lirup-lirup masuk kada tasangkut.Dirandam satumat, napa kada kawa bahinak. Pukuknya lalakian nang suah babini lawan si Raja Kimut naitu jara Saumur hidup.

Raja Kijuk dari Arab nampaknya mandapat lawan nang saimbang. Lalu raja naitu mancari di mana Ratu Kimut badiam.Satalah batamuan langsung badatang,kamudian kawin pada hari nang ditantuakan.

Pada malam partama lapangan sudah disiapakan. Si Arab nang bagalar Raja Kijuk rasa kada tahan lagi maarit napsunya. Handak banar sudah bakukudaan lawan bibininya. Ujar nag bini kaina dahulu abahnya-ai.Kita bapapandiran dahulu.

“ Kanapa pian ka,jauh-jauh dari Arab sana mangawini ulun nang diam diunjut naini” ujar nang bini (ratu kimut) batakun.

“ Ka, mancari lawan tanding nang saimbang,” sahut nang laki (raja kijuk )

“ Malihat pang pakakas pian” ujar nang bini.

Lalu nang laki maungkai. Uma-uma ganalnya,kaya tampaha.Pantas bibinian takutanan.

“Ampunmu pang ding kaya apa ? “

Balalu nang bini maungkai. Malihat bandanya biasa haja kaya ampun bibinian nang lainnya, tatawa nang laki.

“ Bujur haja halus,tagal harat,” ujar nang bini.” Amun kaka handak bukti, ambilakan kuminting sapuluh biji di dapur.” Ujar nang bini.

Limbah diambilakan nang laki diunjuk lawan nang bini. Ulih nang bini kasapuluh kuminting naitu dimasukkan ka dalam pakakasnya.Babunyi rakup-rakup.Sakali kaluar kuminting tadi hancur jadi galapung. Malihat kajadian itu nang laki barsal dari Arab nang bagalar raja kijuk kada sing bunyian. Siim.

Ujar nang bini,cuba ambilakan nyiur babigi nang balum bakuyak di dapur. Limbah diambilakan, dimasukan nang bini ka dalam pakakasnya. Mancirup tinggalam, kada lawas nyiut tadi kaluar jadi santan. Malihat paristiwa naini si Arab nang bagalar raja kijuk naitu bukah, bulik kada sing padahan

SUMBER : karya Fahrurraji Asmuni